ນັບຕັ້ງແຕ່ການລະບາດຂອງໂຄວິດ-19, E-GetS/ອີເກັສໄດ້ເພີ່ມມາດຕະການປ້ອງກັນຕ່າງໆເພື່ອຮັບປະກັນວ່າບໍລິສັດສາມາດດໍາເນີນການໄດ້ຕາມປົກກະຕິໃນຊ່ວງການລະບາດ, ໂດຍໃຫ້ຄວາມສຳຄັນກັບການຈັດສົ່ງທີ່ປອດໄພ. ພວກເຮົາໄດ້ຮ່ວມມືກັບທຸກພາກສ່ວນໃນການປ້ອງກັນໂລກໂຄວິດ-19, ດ້ວຍຄວາມຕັ້ງໃຈທີ່ຈະສົ່ງຕໍ່ ແລະ ຮັບຄວາມຮັກ, ພວກເຮົາຈະຊ່ວຍເຫຼືອຜູ້ທີ່ຕ້ອງການຄວາມຊ່ວຍເຫຼືອຢ່າງເຕັມທີ່ເພື່ອໃຫ້ຜ່ານພົ້ນວິກິດນີ້ໄປນຳກັນ

ໃນເດືອນກໍລະກົດ 2020 E-GetS/ອີເກັສໄດ້ເລີ່ມກິດຈະກຳການກຸສົນເພື່ອຕອບແທນສັງຄົມ, ໂດຍການຈັດຊື້ເຄື່ອງໃຊ້ປະຈຳວັນເພືື່ອຊ່ວຍເຫຼືອຄອບຄົວທີ່ໄດ້ຮັບຜົນກະທົບຈາກການລະບາດຂອງໂຄວິດ-19, ພວກເຮົາຫວັງວ່າຜ່ານຄວາມພະຍາຍາມຂອງເຮົາ, ຈະມີບຸກຄົນ ແລະ ອົງກອນໃນສັງຄົມໃຫ້ຄວາມສົນໃຈກັບກຸ່ມຜູ້ດ້ອຍໂອກາດທີ່ຕ້ອງການຄວາມຊ່ວຍເຫຼືອຫຼາຍຂຶ້ນ ແລະ ຍື່ນມືເຂົ້າຊ່ວຍເຫຼືອ ແລະ ມອບຄວາມຮັກໃຫ້ແກ່ພວກເຂົາ

ໃນເດືອນຕຸລາ 2020, ຝົນຕົກໜັກຕໍ່ເນື່ອງທົ່ວປະເທດກຳປູເຈຍ,ເຮັດໃຫ້ເກີດນໍ້າຖ້ວມຮ້າຍແຮງ. ທີມງານການກຸສົນ E-GetS/ອີເກັສ ໄດ້ເດີນທາງໄປບ້ານ Prek Hou Lech, ເມືອງຕາເຂມາ, ເພື່ອຊ່ວຍເຫຼືອຊາວບ້ານທີ່ໄດ້ຮັບຜົນກະທົບຈາກໄພນໍ້າຖ້ວມ ໂດຍການແຈກຢາຍເຄື່ອງໃຊ້ເພື່ອການກຸສົນ